पाण्याकडे डोळे आणि डोळ्यात पाणी

पाण्याकडे डोळे आणि डोळ्यात पाणी

आकाशाकडे लावूनि डोळे पावसाची वाट पाहिली |

पावसाची ठेवूनि आस पदरी फक्त निराशा आली ||

पाण्यासाठी वणवण करत मैलो-मैली फिरलो |

कळशीभर पाणी न मिळता माघारी आलो ||

गुरांसाठी नाही चारा, पक्ष्यांसाठी नाही पाणी |

सांगून सांगून थकलो सरकारला आमुची रडगाणी ||

घोटभर पाण्यासाठी आम्ही जातो येथे मरून |

शहरात असता पाणी वापरावे ते जपून ||

                                   

सगळीकडे आज दुष्काळाची परीस्थिती झाली |

डोळ्यातील अश्रू पाणी म्हणून पिण्याची वेळ आली ||

पाण्याकडे डोळे आणि डोळ्यात आमुच्या पाणी |

जमीन सुकली, ओठही सुकले आता उरले ना काही ||

आता उरले ना काही......

----- नम्रता हेमंत खैरे